Naghahanda na ang isa sa mga paaralan sa lungsod ng Marikina na kabilang sa 28 eskwelahan sa Metro Manila na pinayagang lumahok sa pilot implementation ng face-to-face classes na magsisimula sa Lunes.
Ayon kay Tañong High School Principal Antonio Andres, pawang bakunado ang mga estudyante at personnel ng paaralan ang kalahok dito.
Aniya, 9 na estudyante ng senior high school na nasa technical-vocational-livelihood track ang kabilang dito na pinayagan ng kanilang mga magulang.
Sinabi pa ni Andres na apat na oras lamang sila mananatili sa paaralan sa loob ng isang linggo sa araw ng Martes at Huwebes.
Samantala, sakali aniyang may estudyante o guro na magpakita ng sintomas ng COVID-19 ay may inihandang protocol ang naturang paaralan.—mula sa panulat ni Airiam Sancho