Nakikita ni dating Associate Justice Antonio Carpio na itutuloy ng International Criminal Court ang paglilitis kay dating Pangulong Rodrigo Duterte, ligal man o hindi ang pag-aresto rito.
Ayon kay dating Associate Justice Carpio, maaari itong kwestyunin ng legal team ng dating pangulo sa susunod na pagdinig sa Setyembre.
Gayunman, kukunin pa rin anya ng ICC ang hurisdiksyon kay Duterte dahil walang kinalaman ang international court sa sinasabing iligal na pag-aresto sa dating pangulo.
Matatandaang, iginiit ni Atty. Salvador Medialdea, abugado ni dating Pangulong Duterte na kinidnap ang dating opisyal nang arestuhin ito sa bansa.—sa panulat ni Kat Gonzales
