Umapela ng tulong sa publiko ang Pasig River Rehabilitation Commission na panatilihing malinis ang mga ilog gayundin ang daluyan ng tubig sa Metro Manila.
Ito ang inihayag ni PRRC Executive Director Jose Antonio Goitia makaraang ipagmalaki nito ang ginawang paglilinis sa Estero de Binondo sa Maynila.
Kasunod nito, pinapurihan at pinasalamatan din ni Goitia ang mga tinaguriang river warriors dahil sa walang sawang paglilinis nito sa mga estero at ilog sa Kamaynilaan.
Sa huli, nagbabala si Goitia sa mga pasaway na walang habas na nagtatapon ng basura sa mga estero na mahaharap sa kaso ang mga ito maging ang mga opisyal ng barangay dahil sa kapabayaan.
