Bumuo na ang Cebu City legal office ng team upang alamin ang posibleng mga paglabag ng St. Bernard funeral homes matapos madiskubreng ginawa nitong morge ang isang abandonadong gusali sa barangay Basak San Nicolas.
Sa isinagawang inspeksyon sa pangunguna ni councilor David Tumulak at City Health Office, hindi maayos ang storage ng labing-anim na bangkay mula sa St. Bernard.
Sampu sa mga katawan ay inilagay lamang sa ordinaryong freezer habang anim ay nasa sahig lamang.
Inatasan naman ni vice mayor Mike Rama ang legal office na magsumite na ng mga rekomendasyon upang makapaglunsad ng aksyon ang city government.
Maaaring ang nabanggit na punerarya ay maharap sa mga kasong paglabag sa Section 93 ng Sanitation Code of the Philippines.—sa panulat ni Drew Nacino