Hindi maiiwasan ang pagkasira ng mga bakuna kontra COVID-19.
Ito’y ayon kay Dr. Ted Herbosa, Chairman ng emergency medicine ng University of the Philippines-Philippine General Hospital, kasunod nang pagkasira ng mahigit 31-M doses ng COVID-19 vaccines na nagkakahalaga ng P15.6-B.
Sinabi pa ni Herbosa na maliit lamang ang nasabing bilang at pasok pa rin ito sa tinatawag na ‘Allowable Vaccine Wastage’ rate.
Iginiit pa ni Herbosa na mas mainam na sobra kaysa kulang ang mga bakuna.
Matatandaang sinabi ni DOH Officer-In-Charge Maria Rosario Vergeire na tinatayang nasa 24-M shots ay nag-expire dahil sa maikling shelf life, habang ang 7-M doses naman ay nasira dahil sa temperatura.
Sinabi pa ni Herbosa na makakatulong ang ikakasang National Vaccination Days ng pamahalaan sa Disyembre upang mas ma-engganyo ang publiko na magpabakuna.