Pinapurihan ng Western Mindanao Command (WESMINCOM) ang Philippine National Police (PNP) Intellegence Group gayundin ang Special Action Force (SAF).
Ito’y matapos maaresto ng pulisya ang isa sa mga pinagkakatiwalaan ni Abu Sayyaf Leader Mundi Sawadjaan na si Hashim Saripada alyas Ibnu Kashir kahapon.
Ayon kay WESMINCOM Chief Lt/Gen. Corleto Vinluan, tiyak na mahihirapan na ngayon ang grupo ni Sawadjaan na makapaghasik pa ng karahasan dahil nawalan ito ng magaling na bomb maker.
Dagdag pa ni Vinluan, ang pagkakaaresto kay Saripada ay patunay ng magaling at malakas na intellegence gathering ng Pambansang Pulisya.
Kasalukuyang hawak na ng PNP Intellegence Unit sa Region 9 si Saripada at inihahanda na ang paghaharap sa kaniya sa Husgado.
