Kinumpirma ng Afp o Armed Forces of the Philippines na ipinadala nila sa FBI o Federal Bureau of Investigation ng Amerika ang DNA samples ng mga napatay na lider terorista sa Marawi City.
Ayon kay AFP Public Affairs Office Chief Col. Edgard Arevalo, kinailangan nilang gawin ito lalo’t may reward na nakapatong sa ulo nila Isnilon Hapilon at Omar Maute.
Kasunod nito, kumpiyansa ang AFP na agad ilalabas ng FBI ang resulta ng pagsusuri sa lalong madaling panahon upang maihanda na ang mga kinakailangang dokumento na magpapatunay sa pagkakakilanlan ng mga napatay na terorista.
Sampung Milyong Piso ang inilaang pabuya ng Pilipinas para sa ikadarakip ni Hapilon habang limang milyong Dolyar naman sa panig ng Amerika.
Samantalang limang milyong Pisong pabuya namanang inilaan ng Pilipinas para sa ikadarakip ni Omar Maute na natirang lider ng Maute group.