Mahigit apat na milyong piso na ang naipahatid na tulong ng Department of Social Welfare and Development (DSWD) sa mga lugar na naapektuhan ng severe tropical storm Florita.
Ayon sa DSWD, aabot sa 4.4 million pesos na halaga ng pagkain at non-food items ang naipamahagi sa mga apektadong lugar.
Mayorya ng naturang assistance ay napunta sa Cagayan Valley Region na umabot sa 3.1 million pesos habang ang nalalabing halaga ay naipaabot sa Ilocos Region, Central Luzon, CALABARZON at Cordillera Administrative Region.
Sinabi pa ng ahensya na tumutulong na rin sila sa local government units sa pag-monitor sa 669 pamilya o 2,057 indibidwal na nasa 36 evacuation centers sa Ilocos Region, Cagayan Valley, Central Luzon, Metro Manila at Cordillera Administrative Region.