Tila lumiliit na ang tiyansang may makita pang buhay mula sa gumuhong lupa at putik sa Itogon, Benguet.
Ayon kay Itogon Mayor Victorio Palangdan, pinangangambahang patay na ang mga natabunan ng landslides sa barangay Ucab.
Nasa labing-siyam na bangkay na aniya ang narerekober mula sa naturang lugar habang nasa apatnapu (40) pa ang nawawala.
Sa kabila nito, tiniyak ni Palangdan lalo sa mga kaanak ng mga biktima na magpapatuloy ang retrieval operations buhay man o patay ang kanilang mga mahal sa buhay.
Magugunitang nagtago sa dating bunkhouse ng Benguet Mining Corporation ang nasa pitumpu (70) katao na karamiha’y small-scale miners at kanilang pamilya sa kasagsagan ng pananalasa ng bagyong Ompong.
—-
