Aarangkada na ang pagdinig sa kasong graft na kinakaharap ni dating MRT General Manager Al Vitangcol sa Setyembre.
Ito’y may kaugnayan sa umano’y maanomalyang pag-a-award ng multi-million Dollar maintenance deal ng MRT.
Sa pagdinig kahapon sa Sandiganbayan third division, nagkasundo ang prosekusyon at depensa na i-terminate na ang pre-trial proceedings at ituloy na ang trial proper sa Setyembre 11.
Hiniling din ng magkabilang panig na bigyan sila ng hanggang a-18 ng Agosto para makapagsumite ng joint stipulation of facts, kabilang ang mga ipiprisinta nilang mga testigo sa mismong trial proper.
By: Meann Tanbio