Dapat hayaan ng gobyerno ang mga lokal na pamahalaan na magdesisyon sa pagpapatupad ng quarantine classification sa kanilang mga lugar.
Ito ang inihayag ni Deputy Speaker at Manila Rep. Bienvenido Abante Jr., dahil aniya mas alam ng mga LGU ang nangyayari sa kanilang mga nasasakupan.
Ang mungkahing ito ni Abante ay bunsod na rin ng pabago-bagong community restrictions sa NCR.
Hinimok naman ng mambabatas ang Inter-Agency Task Force o IATF na payagan ang Metro Manila Mayors na magtulungan at magdesisyon para sa iisang quarantine measures.—sa panulat ni Hyacinth Ludivico
