Pinayuhan ng punong ehekutibo si Vice President Leni Robredo na ‘bumili ng maraming swimsuit’ kung papalarin itong maging Pangulo ng bansa.
Ayon kay Pangulong Rodrigo Duterte, oras na marami nang nabiling ‘swimsuit’ si Robredo, ay magsimula na aniya ito sa paglangoy.
Mababatid na matinding patutsada ang natanggap ni Robredo sa lingguhang ulat sa banyan ng Pangulo, dahil sa umano’y pagpapauso ng opisyal sa #NasaanangPangulo sa gitna ng pananalasa ng bagyong Ulysses.
Dipensa ng Pangulo, alam ni Robredo na abala ito sa ASEAN summit.
Kung kaya’t ibinabala ng Pangulo na oras na ulitin ito ni Robredo, matinding pang-iinsulto ang aabutin nito.
Sa huli iginiit ng Pangulo na walang katotohanan ang paratang ni Robredo na ito’y natutulog sa tuwing may bagyong dumarating sa bansa.
