Pinuntirya ng mga demonstrador sa Thailand ang police headquarters sa Bangkok sa ika-2 araw ng kanilang pagkilos protesta matapos na mapatay ng mga awtoridad ang 6 nilang kasamahan.
Ito ang naging tugon ng mga demonstrador makaraang sabihin ng kanilang lider na kanyang i-lelevel-up ang kanilang pagkalampag sa Thai government para dinggin ang kanilang panawagan.
Mababatid na kabilang sa panawagan ng mga demonstrador ang pagpapalit ng kanilang konstitusyon o ‘cha-cha’, pagbaba sa pwesto ni Thai Prime Minister Prayut Chan-O-Cha, maging ang pagbuwag sa anila’y ‘untouchable monarch.’
Kabilang sa mga nag-rally ang mga Buddhist monks—na sumasaludo gamit ang 3 daliri na hango anila sa sikat na pelikulang ‘hunger games’ na nangangahulugang pinangungunahan ng mga kabataan ang naturang pagkilos.
Kasunod nito, nanawagan sa mga demonstrador si Prime Minister Chan-O-Cha na sana’y huwag manaig ang karahasan sa gitna ng ginagawang protesta.