Patay ang chairman ng Barangay Angad, Bangued, Abra matapos pagbabarilin.
Kinilala ang biktima na si ronie bringas.
Batay sa imbestigasyon ng mga otridad, binaril sa ulo habang nanonood ng laban sa basketball ang biktima.
Sinabi naman ng mga nakakita sa pangyayari na nakasombrero at itim na tube mask ang gunman.
Naiwan ng salarin ang kaniyang tsinelas at motorsiklo nang sumemplang ito habang tumatakas nang habulin ng mga residente.
Samantala, tinutugis na ng mga pulis ang gunman at inaalam pa kung may kinalaman sa halalan ang naturang insidente. – sa panulat ni Airiam Sancho
