Pinamamadali ni Foreign Affairs Secretary Allan Peter Cayetano ang pag-repatriate sa bangkay ng Overseas Filipino Worker na natagpuang patay sa loob ng isang septic tank sa South Korea.
Ayon kay Cayetano, kanyang inaasahan na mapapabilis na ang proseso ng pagpapauwi sa bangkay ngayong nakilala na ang pamilya nito matapos mag-match sa kanilang isinagawang DNA tests.
Bagama’t tumanggi muna si Cayetano na pangalanan ang biktima dahil nagpapatuloy pa ang imbestigasyon sa kaso, kanyang sinabi na kasalukuyang naninirahan sa iloilo ang pamilya nito.
Sa ngayon aniya ay pinaghahanap na rin ng mga otoridad ang pangunahing suspek sa pagkamatay ng biktima na isang ring dating OFW at kasamahan nito sa pinapasukang factory sa South Korea at sinasabing nakauwi na rin ng Pilipinas.
