Hindi sagot ang pag ban sa mga field trip para hindi na maulit ang trahedya sa Tanay, Rizal na kinasasangkutan ng isang bus ng Panda coach.
Ayon ito kay Congressman Joey Salceda dahil hindi naman field trip kundi ang palpak na road system ang pumatay sa 15 katao sa naturang aksidente.
Sa halip na ikasa ang moratorium sa field trips isinulong ni Salceda ang pagtutok ng DPWH sa road safety at mas mahigpit na pagbibigay ng LTO ng mga lisensya hindi lamang sa bus drivers kundi sa iba pang motorista at vehicle road worthiness na dapat namang bantayan ng LTFRB.
Sinabihan din ni Salceda ang Department of Education at CHED na palakasin ang control mechanism at monitoring systems para sa field trips upang maiwasan ang hindi makatuwirang bayarin.
By: Judith Larino
