Masuwerteng napanalunan ng isang Negrense ang jackpot prize para sa Grand Lotto 6/55 na nagkakahalaga ng 98 milyong piso.
Ayon sa Philippine Charity Sweepstakes Office (PCSO), natumbok ng masuwerteng mananaya ang winning number combinations na 09-17-45-39-35 at 15 na binola nuong Lunes.
Nabatid na binili ng lotto winner ang kaniyang winning ticket sa isang Lotto outlet sa La Carlota City sa Negros Occidental.
Maliban sa solo jackpot winner, may 9 na iba pa ang maswerte ring nakatumbok ng 5 numero kaya’t makatatanggap sila ng tig-100,000 piso.
Aabot naman sa 668 ang makatatanggap ng 1,500 piso na panalo para sa 4 na numero habang nasa mahigit 15,480 ang babalik ang itinaya matapos matumbok ang 3 numero.
