Matatanggap na ng mga pulis na nagsisilbing frontliners ang P500 hazard pay kada araw, simula sa Abril 16, Huwebes.
Ito ang naging pagtitiyak ni PNP Chief Police Gen. Archie Francisco Gamboa sa kaniyang pagharap sa publiko sa pamamagitan ng facebook live.
Sinabi ni Gamboa, kanselado na rin ang kaltas para sa mga pulis na mayroong pagkakautang sa buwang ito gayundin sa buwan ng Mayo.
Makatatanggap din aniya ng P5,000 ayuda ang mga pulis na miyembro naman ng public safety mutual benefit fund incorporated.
