Natanggap na ng Armed Forces of the Philippines (AFP) ang P48.5 million na halaga ng armas at bala mula sa US government.
Kinumpirma ng US Embassy na pinondohan ang mga armas at bala sa pamamagitan ng US grant assistance na layuning palakasin ang kakayahan at kahandaan ng AFP.
I-dineliver ang shipment noong July 4 sa Clark Air Base ng joint Us Military Assistance Group-Philippines na kinabibilangan ng 14 na M2a1 Caliber 50 heavy machine guns, 7 m240b machine guns at libu-libong bala.
Ang Pilipinas ang pinaka-malaking recipient ng military assistance ng Amerika sa Indo-Pacific Region at simula noong 2015 ay umabot na sa P48.6 billion o 1 billion dollars ang halaga ng security assistance. —sa panulat ni Drew Nacino