Aabot sa mahigit P3M halaga ng shabu ang nasamsam ng mga otoridad sa dalawang suspek matapos ikasa ng mga otoridad ang operasyon sa Taguig at Parañaque City.
Kinilala ang mga suspek na sina Alonto Aminola Kasim, 27-anyos na hinuli ng mga tauhan ng Taguig City Police sa Road 14 Maguindanao St., Barangay New Lower Bicutan at Edrian Geronimo Chacon, 30-anyos na nahuli naman sa ikinasang buy-bust operation ng Parañaque City Police sa Angelina Canaynay Avenue, Barangay San Isidro, Parañaque City.
Aabot sa 570 gramo ng shabu ang nakuha na may street value na P3.4-M.
Nahaharap ngayon sa kasong paglabag sa Republic Act 9165 o Comprehensive Dangerous Drugs Act of 2002 ang mga inarestong suspek.
