Aabot sa 27 milyong pisong halaga ng iligal na droga ang nasakote ng Philippine Drug Enforcement Agency (PDEA) – Region 10 sa Iligan City, Lanao Del Norte.
Natimbog naman ng PDEA ang suspek na kinilalang si Arnel Asuncion sa inilargang buy-bust operation, sa Barangay Maria Cristina.
Ayon kay PDEA-10 Director Jigger Montallana, nasabat mula kay asuncion ang marked money at limang plastic sachet ng hinihinalang shabu.
Dalawang buwang minanmanan ang suspek at nang makakuha ng pagkakataon ay nakipag-transaksyon ang mga ahente ng PDEA at nagbigay ng 500,000 peso downpayment.
Naniniwala ang mga otoridad na bahagi si Asuncion ng mas malaking grupo na nag-o-operate sa Mindanao.
