Tinatayang aabot sa P6.2 million ang pinsalang idinulot ng pananalasa ng bagyong Henry sa sektor ng agrikultura sa Batanes.
Sa panayam ng DWIZ kay Batanes Governor Marilou Cayco, sinabi nito na ibinase ang datos sa inilabas na impormasyon ng Municipal at Provincial Disaster Risk Reduction and Management Office.
Karamihan ng nasira ng bagyo ay ang mga agricultural products sa itbayat, batanes gaya ng palay at gulay.
Iyong mga vegetable crops namin yan iyong mga nasira,lalo na iyong mga all year round nasira ito ng malakas na hangin at tsaka iyong mga sea spray namin natutuyo, iyong mga dahon ng kamote, mga root crops namin,gulay kaya po iyon ang malaking damage namin.”
Samantala, bagaman nakapagtala ang Batanes ng ilang malalaking batong nahulog sa kalsada, agad itong naialis ng pamahalaan kaya’t nananatiling passable ang mga pangunahing daanan.
Maayos na rin ang mga pantalan, ospital at kabahayan sa probinsya, kaya inaasahang makababalik na sa klase ang mga mag-aaral bukas, araw ng Lunes.
Patuloy po kaming nagmomonitor sa sitwasyon hangga’t hindi humina itong malakas na hangin na ito, tapos patuloy pa din ang pagupdate dito sa ating mga kababayan kung ano ng lagay ng panahon,tapos sa mga fb page sa group chat mga ganun pinapadala namin sa PAGASA tapos po ay close coordination kami sa mga Municipal Disaster Risk Reduction Management Officers,at tsaka iyong Municipal Agrikulturist naaccess po ng damages sa agricultural crops.”
