Nagpositibo si Overseas Workers Welfare Administration (OWWA) Administrator Arnell Ignacio sa COVID-19.
Aniya, hindi niya alam kung saan nakuha ang sakit dahil araw-araw siyang nasa airport para i-welcome ang mga Overseas Filipino Workers (OFWs).
Sa ngayon, nasa ika-apat na araw na quarantine na si Ignacio.
Aniya, inaanunsyo na lamang niya ang mga plano sa ahensya sa oras na matapos ang kaniyang isolation period.
Nabatid na si Ignacio ay itinalaga ni Pangulong Ferdinand Marcos Jr. na mamuno sa naturang ahensya.