Naglunsad ang Philippine National Railways kasama ang Department of Transportation ng “Oplan Biyaheng Ayos Krismas 2023″ para sa ligtas na biyahe ng mga pasahero sa Pasko at bagong taon.
Sa ilalim ng nasabing operasyon, maglalagay ang PNR ng mga help desks sa piling mga istasyon nito upang tugunan ang mga pangangailangan ng mga pasahero.
Paiigtingin din ang seguridad sa mga istasyon kung saan magtatalaga ang PNR ng 69 security personnel mula December 16 hanggang January 5, 2024.
Nagpaalala naman ang PNR sa mga mananakay na sumunod sa seguridad upang hindi maantala ang kanilang byahe. - sa panulat ni Raiza Dadia