Nakatakdang ideklara ng Philippine Atmospheric Geophysical and Astronomical Services Administration- Department of Science and Technology (PAGASA-DOST) ang opisyal na pagsisimula ng tag-ulan ngayong araw na ito.
Ayon sa PAGASA, ito ay matapos na makapagtala ng tig-25 millimeter na ulan sa limang PAGASA station na requirement upang opisyal na maideklara ang tag-ulan.
Naitala ang 25 milimeter na ulan sa Metro Manila, Ambulong Batangas, Laoag Ilocos, Iba Zambales at Mindoro.
Gayunman, pirma na lamang ng hepe ng PAGASA ang siyang hinihintay bago tuluyang ideklara ang tag-ulan sa buong bansa.
Ulan sa Mindoro hinihintay pa
Idedeklara na ng Philippine Atmospheric Geophysical and Astronomical Service Administration na tag-ulan na sa bansa oras na makalikom ng dagdag na 25 milimeter na tubig ulan sa Mindoro station ng ahensiya.
Ayon kay Rene Pasyente, Climatologist ng PAGASA may 80 percent na ang naitatala nilang ulan sa mga istasyon ng ahensiya mula sa Metro Manila, Ambulong, Batangas, Laoag, Ilocos; at Iba, Zambales.
Aniya sa pagdedeklara ng ulan dapat at least five stations ang makapagtala ng tig-25 mm ng ulan na nakuha na ng Metro Manila, Batangas, Laoag, Ilocos at Iba, Zambales.
Kapag inulan ang Mindoro hanggang ngayong Martes ng umaga, 100 percent na ang pagdedeklara ng rainy season.
By Rianne Briones | Mariboy Ysibido
