Posibleng umabot sa 5K hanggang 10K ang maitatalang kaso ng COVID-19 kada araw sa Pilipinas sa susunod na linggo.
Ito, ayon kay OCTA research fellow Dr. Guido David, ay dulot ng Omicron subvariants BA.2.12.1 at BA.4 na na-detect sa bansa.
Gayunman, nilinaw ni David na hindi lalampas sa 10K ang kaso kung sumipa muli ang COVID cases.
Samantala, bagaman wala naman anyang nangyaring pagtaas sa COVID-19 cases matapos ang May 9 elections, minomonitor pa rin ang galaw ng dalawang Omicron subvariant.
Binigyang-diin ni David na ang pagbabakuna at malakas na immunity pa rin ang nakikitang solusyon laban sa posibleng surge ng kaso.