Tumaas ang presyo ng produktong petrolyo ngayong Martes, Setyembre 29.
Epektibo kaninang alas-12:01 ng madaling araw, nagpatupad ng P0.50 na dagdag-presyo sa kada litro ng gasolina at P0.10 na umento sa bawat litro ng diesel ang mga kumpanyang Shell, Chevron, Seaoil, at PTT Philippines.
Sa kerosene naman, P0.10 ang ipinatupad na taas-presyo ng Shell, Chevron, at Seaoil.
Sinundan ito ng Eastern Petroleum at Petron kaninang alas-6:00 ng umaga kung saan P0.50 ang iminahal sa kada litro ng gasolina at P0.10 sa kada litro ng diesel.
Habang ang Petron, nagpatupad din ng P0.10 na dagdag-presyo sa bawat litro ng kerosene.
By Meann Tanbio
