Hinimok ni Palawan Bishop Pedro Arigo ang publiko na araw-arawin ang pagtitipid ng enerhiya at pangangalaga para sa kalikasan.
Kaugnay ito sa idaraos na taunang earth hour na gaganapin sa Marso 19, araw ng Sabado.
Giit ng obispo, balewala ang Earth Hour kung pagkatapos naman nito ay balik sa dating gawi ang mga Pinoy at hindi isinasabuhay ang mga hakbang kontra climate change.
Ipinaalala ni Arigo na ang mga tao ang naatasang maging tagapangalaga ng kalikasan kayat marapat lang aniya na kumilos ang bawat isa para mapanatili ganda nito sa halip na magpatay lamang ng ilaw ng isang oras.
By Ralph Obina