Nakikipag-ugnayan na ang National Telecommunications Commission (NTC) sa Kapisan ng mga Brodkaster ng Pilipinas (KBP) para puksain ang paglaganap ng text scams.
Ayon sa NTC, ang pakikipag-ugnayan nito sa KBP ay bahagi pa rin ng kanilang information drive na “Kontra Text Scam.”
Kinilala naman ng komisyon ang pagnanais ng KBP na tumulong para labanan ang paglaganap ng panggagantso sa pamamagitan ng pagdala ng naturang kampanya sa radyo. —sa panulat ni Hannah Oledan