Makakatanggap na ng night differential pay ang mga kawani ng gobyerno.
Ito ay matapos lagdaan ni Pangulong Rodrigo Duterte ang Republic Act 11701 na nagbibigay ng night shift differential pay sa mga manggagawa ng gobyerno na gabi ang duty mula alas-sais ng gabi hanggang alas-sais ng umaga.
Nabatid na kabilang sa mga kuwalipikadong makatanggap ng night differential pay ang mula division chief pababa kabilang na ang mga nagtatrabaho sa government-owned and controlled corporations, permanent man o contractual, temporary o casual.
Nakapaloob sa probisyon ng batas, babayaran ang mga kawani ng gobyerno ng night shift differential sa halagang hindi lalagpas sa 20% ng basic pay rate kada oras.
