Pangungunahan ng National Bureau of Investigation (NBI) ang imbestigasyon sa umano’y ilegal na pagbebenta ng mga COVID-19 vaccine at vaccination slots sa isinagawang vaccination program ng pamahalaan.
Sa ilalim ng Department Order No.2, inatasan ng Department Of Justice o DOJ ang NBI para gagawing imbestigasyon ukol sa vaccine at vaccine slots for sale.
Ayon kay Justice Secretary Menardo Guevarra, pangungunahan ni Officer-In-Charge (OIC) Eric Distor ang naturang imbestigasyon.
Dagdag ng kalihim, sa oras na makakalap ng ebidensiya ang ahensya, agad sasampahan ng kaso ang mga indibidwal masasangkot o mapag-aalamang responsable rito.
Samantala, sinabi ng kalihim kailangan makapagsumite si distor ng update ukol sa progreso ng imbestigasyon sa loob ng 10 araw.
