‘Task force bigas’ binuo na ng DA

Binuo na ng Department of Agriculture (DA) ang task force bigas na tututok sa mga inaangkat at imbentaryo ng bigas.

Ayon kay Agriculture Secretary Manny Piñol, pangungunahan ng nasabing grupo ang pagsasagawa ng malawakang imbentaryo sa lahat ng rice stocks kabilang ang bigas na ipinupuslit ng mga sindikato gamit ang back door.

Nakabantay ang grupo sa mga negosyanteng magsasamantala na magtago ng suplay ng bigas upang tumaas ang presyo nito sa merkado kasunod na rin ng naging kautusan ng Pangulong Rodrigo Duterte na hindi aangkat ng bigas sa panahon ng anihan.

Makakasama ng dito ng DA ang iba pang ahensya ng gobyerno tulad ng Bureau of Customs, Bureau of Internal Revenue at Philippine Statistics Office.

By Rianne Briones   

Comments

comments