Na rescue sa Vietnam ang mangingisdang nawawala sa Palawan.
Kinilala ang biktimang si Joseph Troyo, 19 anyos at residente ng Barangay Panacan, Bayan ng Narra.
Pumalaot umano si Troyo nuong Enero 20 kasama ang dalawa pang mangingisda patungo sa West Philippine Sea.
Kinontak ng Philippine Vice–consul General ang lokal na pamahalaan ng Narra upang ipaabot ang balitang nailigtas ng Vietnamese maritime authorities si Troyo noong Pebrero 23.
Sinasabing lumubog ang bangkang sinasakyan ni Troyo at mga kasama nito.
Kasalukuyang nasa pagamutan sa Vietnam si Troyo habang hindi pa nakikita ang dalawa pang kasama nito.
