Tiniyak ng National Task Force against Covid-19 na sapat ang natitirang 100 milyong doses ng covid-19 vaccine para sa taong ito.
Kumpyansa si Vaccine Czar Carlito Galvez Jr. na maituturok ang nasabing mga bakuna ngayong taon.
Aniya, gagamitin ang nalalabing Covid-19 vaccines sa pagtuturok ng 10 milyong doses sa pediatric age groups, 60 milyon bilang booster shot, 1.8 million doses para sa senior citizens at 24 milyong doses bilang fourth dose o second booster shots.
Mababatid na naglaan ang pamahalaan ng 45.3 billion pesos para sa pagbili ng covid-19 vaccine booster shots ngayong taon.