Sumentro sa kasalukuyang pandemiya ng COVID-19 ang pagsisimula ng National Disaster Resilience Month ngayong Hulyo.
Pinangunahan ni National Disaster Risk Reduction and Management Council (NDRRMC) Chairman at Defense Sec. Delfin Lorenzana ang virtual kick-off ceremony sa Office of the Civil Defense sa Kampo Aguinaldo.
Ang tema ng nasabing okasyon para sa taong ito ay “Tamang Pamamahala’t Kahandaan, Kaalaman at Pagtutulungan sa Sakuna at Pandemiya’y Kalasag ng Bayan.”
Sa kaniyang mensahe, binigyang diin ni Lorenzana ang kahalagahan ng ibayong pagtutulungan ng pamahalaan at ng mga komunidad upang maipahatid ang malasakit, kahandaan gayundin ang katatagan ng sambayanan laban sa hamon ng kalamidad.
