Pormal nang kinasuhan ng PNP-CIDG Northern Mindanao sa DOJ ang mag-asawang Ozamiz City Mayor Reynaldo at Susan Parojinog na kapwa nasawi sa operasyon ng mga awtoridad sa Ozamiz City noong July 30.
Kabilang sa mga isinampang kaso laban sa mag-asawang Parojinog ang illegal possession of dangerous drugs, illegal possession of firearms and ammunition at illegal possession of explosives.
Magugunitang narekober sa bahay ng mga Parojinog sa isinagawang raid ang rifle grenades, mga bala at shabu.
Una nang kinasuhan ng mga kaparehong kaso ang magkapatid na sina Ozamiz City Vice Mayor Nova Princess Parojinog at Reynaldo, Jr. na kapwa nakakulong sa Camp Crame.
By Judith Larino
