Iginiit ni presidential aspirant at Vice-President Leni Robredo na hindi niya papatulan ang mga tirada ni Manila City Mayor Isko Moreno laban sakaniya.
Kasunod ito ng naging pahayag ni Moreno kung saan, kaniyang inakusahan si Robredo na magkakaroon umano ng kaguluhan kung mananalo si dating senador Ferdinand “Bong Bong” Marcos Jr. bilang pangulo ng bansa.
Ayon kay Robredo, hindi niya pag-aaksayahan ng panahon si Moreno para makipag-word war dahil ang campaign period ay hindi tungkol sa away ng mga kandidato sa pagkapangulo kundi isang laban para sa bansa.
Nilinaw din ni Robredo na hindi niya kailanman sinabi ang tungkol sa posibleng kaguluhan sakaling manalo sa darating na halalan ang kanyang kalaban sa pagkapangulo na si Ferdinand “Bongbong” Marcos Jr.