Umakyat na sa 11 katao ang nasasawi sa Bohol dahil sa COVID-19.
Ayon kay Dr. Cesar lopez, tagapagsalita ng Bohol Inter-Agency Task Force (IATF), ang bagong nasawi sa virus ay sa katauhan ng isang lalaki na edad 68-taong-gulang at nakatira sa bayan ng Tubigon sa Bohol.
Mababatid ani Dr. Lopez, naunang inadmit ang naturang COVID-19 patient sa Don Emilio Del Valle Memorial Hospital, at namatay nitong Nobyembre 1 dahil sa virus.
Sa pinakahuling datos, 559 ang kabuuang kaso ng COVID-19 sa Bohol, may 127 na mga aktibong kaso, at nasa 421 ang naitalang bilang ng mga gumaling dito.
