Kanselado ang nakatakda sanang pagbisita ni US President Donald Trump sa UK o United Kingdom para pangunahan ang pagpapasinaya sa bagong embahada ng Estados Unidos sa London.
Sa tweet ni Trump, sinabi nito na hindi siya “fan” ng bagong US Embassy kaya’t ayaw niyang dumalo at pangunahan ang ribbon cutting ceremony nito.
Ayon kay Trump hindi maganda ang bagong lokasyon ng kanilang embahada sa UK na inilipat sa South London mula sa Mayfair.
Sinisi pa ni Trump ang administrasyon ni dating US President Barrack Obama para sa aniya’y bad deal ng nasabing proyekto na nagkakahalaga ng mahigit isang bilyong dolyar.
—-