Sumakabilang buhay na ang US pop icon na si Prince sa edad na 57 sa loob ng kanyang bahay sa Minnesota.
Ito ang kinumpirma mismo ng kanyang spokeswoman na si Yvette Noel-Schure.
“It is with profound sadness that I am confirming that the legendary, iconic performer, Prince Rogers Nelson, has died at his Paisley Park residence this morning,” ani Noel-Schure.
Ngunit hindi na ito nagbigay ng karagdagang detalye kaugnay sa pagkamatay ng singer.
Si Prince ay isa sa pinaka-maimpluwensyang pangalan sa larangan ng music industry noong 1990’s kung saan ilan sa pinasikat nitong kanta ay ang “Purple Rain,” “1999,” “When Doves Cry,” “Cream” at “Kiss.”
Bumuhos naman ang pakikiramay ng malalapit na kaibigan, fans at pamilya sa pagpanaw ng singer.
Photo Credit: Reuters
