Kumpleto na ang mahigit sa kalahati ng Metro Rail Transit Line 7 (MRT-7) project.
Ayon sa San Miguel Corporatio (SMC), ang concession holder ng MRT-7, nasa 51.73% na ng civil works ng proyekto ang nakumpleto na.
Kabilang anila dito ang pagkakabit ng bored piles, girders, pundasyon sa mga istasyon at paglalagay ng riles.
Maliban dito, mahigit 55% na ring kumpleto ang electrical at mechanical works sa itinatayong MRT – 7.
Sinabi ni SMC President and COO Ramon Ang, nasa 6.2 kilometers na ng target na 13.5 kilometers na elevated section ng MRT 7 ang natapos na.
Kumpleto na rin aniya ang 4.8 kilometers sa target na 6.9 kilometers at-grade section, gayundin ang 1.5 kilometers ng 1.9 kilometer tunnel portion.
Target buksan at simulan ang operasyon ng MRT line 7 sa Disyembre ng 2022.