May handog na libreng sakay ang Metro Rail Transit line 3 (MRT-3) sa mga babaeng pasahero bukas, Marso a-otso bilang paggunita sa National Women’s Day.
Ayon sa Department of Transportation (DOTR), maaaring i-avail ng mga babaeng pasahero ang libreng sakay mula alas-siyete ng umaga hanggang alas-nuebe ng umaga, at mula alas-singko ng hapon hanggang alas-siyete ng gabi.
Sinabi ni MRT-3 Officer in Charge General Manager Assistant Secretary Eymard Eje na ang libreng sakay ay bilang pagkilala sa kontribusyon ng mga kababaihang Pilipino.
Umaasa naman ang pamunuan ng MRT-3 na makakapaghatid ito ng kasiyahan sa mga kababaihan para sa kanilang espesyal na araw.
