Dalawang beses nagka-aberya ang MRT o Metro Rail Transit line 3 kahapon sanhi ng mga problemang teknikal.
Pasado alas 10:00 kagabi nang pababain ang nasa 230 pasahero sa bahagi ng Shaw Blvd station northbound dahil hindi sumara ang pintuan ng isa sa mga bagon nito.
Una rito, nagkaaberya rin ang isang tren ng MRT 3 pasado alas 6:00 ng umaga kahapon dahil nagloko ang motor niyon.
Nasa isanlibong pasahero ang pinababa ngunit nailipat din naman sa kasunod na tren makalipas ang anim na minuto.
