Inanunsyo na ng Department of Tourism (DOT) ang venue ng coronation night ng Miss Universe pageant sa susunod na taon.
Ayon kay Tourism Secretary Wanda Teo, idaraos ang beauty pageant sa Mall of Asia Arena, sa Pasay City, sa Enero 30.
Pambato ng Pilipinas sa nasabing kompetisyon ang 25-anyos na interior designer at model na si Maxine Medina.
Sa kabila naman ng pagtutol ni Pangulong Rodrigo Duterte, mananatiling host ng Miss Universe si Steve Harvey lalo’t limang taon ang kontrata nito sa mga organizer ng pageant.
Ito ang ikatlong pagkakataon na idaraos ang pinaka-prestihiyosong beauty pageant sa Pilipinas.
By Drew Nacino
