Nilinaw ng PDEA o Philippine Drug Enforcement Agency ang papel na gagampanan ng militar sa war on drugs ng pamahalaan.
Ayon kay PDEA Director General Isidro Lapeña, magsisilbing back-up lamang ng kanilang mga ahente ang mga sundalo sa tuwing sasabak sila sa operasyon.
Malaki aniya ang maitutulong ng militar sa mga PDEA agents lalo’t kung mayroong armadong grupo ang lugar na kanilang sasalakayin.
Dagdag pa ng opisyal, hindi rin magpapatrulya ang mga sundalo para sa kampaniya at lalong hindi ito mangunguna sa kanilang mga ikinakasang operasyon.
By Jaymark Dagala
