Isasama sa Task Force South ang lahat ng pulis na iniharap kay Pangulong Rodrigo Duterte dahil sa ilang minor offenses.
Sinabi ng Pangulo, kailangan niya ng mga dagdag na pulis na ipadadala sa Basilan kung saan nauubos na ang pwersa ng gobyerno dahil sa pakikipaglaban sa mga rebelde.
Pakingan: Bahagi ng pahayag ni Pangulong Rodrigo Duterte
Ayon pa sa Pangulo, kung sakaling sa Basilan mabawian ng buhay ang mga tiwaling pulis, sasabihin niya sa mga kapwa nila pulis na wag nang pagkagastusan ang pagpapabalik sa kanilang labi sa Maynila.
Nanindigan din ang Pangulo na hindi niya pag-aaksayahan ng panahon na muling ipaisailalim sa pagsasanay ang mga nasabing pulis.
Pakingan: Bahagi ng pahayag ni Pangulong Rodrigo Duterte
Gayunpaman, sinabi ng Pangulo na kung ayaw ng mga pulis na mare-assign sa Basilan, mas mabuting magbitiw na lang sila sa tungkulin.
Pakingan: Bahagi ng pahayag ni Pangulong Rodrigo Duterte
By: Avee Devierte
