Itinuturing ng Moro Islamic Liberation Front o MILF na muling pagbubukas sa naghilom na sugat ang gagawing reinvestigation ng senado sa Mamasapano encounter.
Ayon kay MILF Vice Chairman for Political Affairs Ghadzali Jaafar, ito ay dahil itinuturing nang sarado ang usapin sa nangyari sa insidente.
Sa kabila nito, bukas sila kung ang magiging pagdinig ay imbestigasyon at hindi in aid of legislation.
Posible aniyang maabuso lang ang pagdinig ng mga kandidatong magpapapogi lamang sa publiko.
By Rianne Briones