Tuloy-tuloy ang pagdagsa ng mga pasahero sa mga terminal ng bus para umuwi sa kani-kanilang lalawigan.
Sa Araneta Bus Terminal sa Cubao Quezon City, bagamat maraming tao ay hindi naman ito naiipon dahil sa tuloy-tuloy ang pagdating ng mga bus.
Samantala, tayuan naman na sa ilang mga bus na ordinary o walang aircon.
Pinipili na ng ilang mga pasahero na tumayo na lang sa bus habang bumibiyahe para makauwi agad sa kanilang probinsya.
Ayon sa opisyal ng bus terminal, inaasahan nilang mas dadami ang bilang ng mga pasahero simula mamayang hapon hanggang gabi.
—-
