Mga upuan sa plenary hall para sa SONA ni Pangulong Duterte puno na

Puno na ang 1500 upuan sa plenary hall ng Kamara de Representantes para sa ikalawang State of the Nation Address ni Pangulong Rodrigo Duterte sa Lunes, Hulyo 24.

Ayon kay House Inter-Parliamentary Relations Service Director Edith Cardenas,  bukod sa upuan ng mga Senador at Kongresista, ubos na rin ang mga slot para sa mga inimbitang guest.

Kabilang anya sa mga kumpirmadong dadalo sa SONA ay mga miyembro ng  Diplomatic Corps, gabinete, Supreme Court Justice, dating Pangulo; dating Pangalawang Pangulo, dating House Speaker at  Senate President.

Gayunman, hindi na tinukoy ni Cardenas kung sinu-sino ang mga dadalong V.I.P. sa SONA ni Pangulong Duterte.

By: Drew Nacino

Comments

comments