Umarangkada na ang imbestigasyon ng PNP Baguio City sa mga opisyal ng Philippine National Police (PNP) na kasama sa convoy ni San Juan City Mayor Francis Zamora nang magtungo ito sa Baguio City.
Matatandaan na inisnab ng mga PNP officers na kasama ni Zamora ang health protocol sa checkpoint na papasok ng Baguio City.
Ayon kay Police Colonel Allen Rae Co, hepe ng Baguio City PNP limitado sa mga opisyal ng PNP na kasama ni Zamora ang kanilang imbestigasyon at ipinauubaya na sa DILG ang pag-imbestiga sa alkalde.
Samantala, idinepensa ni Co ang kanilang checkpoint laban sa mga puna na puwede pala itong lagpas lagpasan.
Sinabi ni Co na bukod sa hindi kailangan ng marahas na reaksyon sa insidente markado anya ang gamit na sasakyan ng mga pulis kaya’t alam ng mga nasa checkpoint na kasamahan nila sa PNP ang mga ito.
